ሽሬ ቅርጫፍ ከአዳማ ቅርጫፍ ጋር የልምድ ልውውጥ አደረገ፡፡

⨳⨳⨳⨳⨳⨳⨳⨳⨳⨳⨳⨳⨳⨳⨳⨳⨳

የኢትዮጵያ መድኃኒት አቅራቢ አገልግሎት ሽሬ ቅርጫፍ ከተለያዩ የስራ ክፍሎች የተውጣጡ የልዑካን ቡድን ሰሞኑን በአዳማ ቅርንጫፍ በመገኘት የልምድ ልውውጥ አደርገዋል፡፡

የዕለቱን ፕሮግራም አስመልክተው የአዳማ ቅርጫፍ ስራ አስኪያጅ አቶ አስረስ ተሾመ ከቅርንጫፉ ማኔጅመንት አባላት ጋር በመሆን ለታዳሚዎቹ ደማቅ አቀባበል በማድረግ የእንኳን ደህና መጣችሁ ንግግር በማድረግ የእለቱን ፕሮግራም አስጀምረዋል፡፡

ይህ በእንዲህ እንዳለ የልዑካን ቡድኑ በቅርንጫፉ በየስራ ክፍሉ ያለውን የውስጥ አሰራር በተመለከተ ተዘዋዉረው የተመለከቱ ሲሆን በተመሳሳይ በቅርንጫፉ ወጣቶች እና ሴቶች ፎረም የተሰሩ ስራዎችን በሪፖረት መልክ ከቀረበ በኋላ ሰፊ ውይይት ተደርጎበታል፡፡

በመጨረሻም የልዑካን ቡድኑ የአዳማ ቅርንጫፍ የመጋዘን የውስጥ አሰራር ስርአት እና ተያያዥ ጉዳዮች ዙሪያ እየተሰራ ያለበትን ሁኔታ ተዘዋውረው የጎበኙ ሲሆን በአጠቃላይ ለተደረገላቸው አቀባበል እና በነበራቸው ቆይታ መደሰታቸውን ገልፀዋል፡፡

“ማገልገል ክብር ነው”