የኢትዮጵያ መድኃኒት አቅራቢ አገልግሎት በከፍተኛ ግብር ከፋይነት የፕላቲኒየም ደረጃን ለተከታታይ ሁለት ዓመታት ተሸላሚ ሆነ።

፨፨፨፨፨፨፨፨፨፨፨፨፨፨፨

የኢትዮጵያ መድኃኒት አቅራቢ አገልግሎት በታማኝነት ግብር በመክፈል ተምሳሌት ከሆኑ ግብር ከፋዮች አንዱ በመሆን ገቢዎች ሚኒስቴርና ጉሙሩክ ኮሚሽን ባዘጋጁት 5ተኛው ዙር የፌዴራል ግብር ከፋዮች የእውቅና መርሃግብር ላይ ከፍተኛ የሆነውን የፕላቲኒየም ደረጃ አውቅና አግኝቷል።

“ግብር  ለሀገር ክብር!” በሚል መሪ ቃል የተደረገውን እውቅና የኢ.ፌ.ዲ.ሪ ጠቅላይ ሚኒስትር ዶ/ር ዐብይ አህመድ በተገኙበት አገልግሎቱ አውቅናውን አግኝቷል።

እውቅናውን የኢትዮጵያ መድኃኒት አቅራቢ አገልግሎት ዋና ዳይሬክተር ጽ/ቤት ኃላፊ አቶ እንግዳየሁ ደቀባ ተረክበዋል።

አገልግሎቱ የህክምና ግብዓቶችን በማቅረብ ለዜጎች ጤና መጠበቅ ከሚጫወተው ሀገራዊ ተልዕኮ በተጨማሪ ግብርን በታማኝነት እና በፈቃደኝነት ላይ ተመስርቶ በወቅቱ በመክፈል ለሀገር እድገትም ጉልህ ሚናችንን እንወጣለን ብለዋል።

የኢትዮጵያ መድኃኒት አቅራቢ አገልግሎት በታማኝ ግብር ከፋይነት ለተከታታይ ሁለት አመታት የፕላቲኒየም ደረጃ ተሸላሚ መሆኑ ይታወሳል።

#ማገልገል ክብር ነው።