የኢትዮጵያ መድኃኒት አቅራቢ አገልግሎት የሕክምና ግብዓቶችን ለመንግሥት የጤና ተቋማት እንደሚያቀርብ ይታወቃል። በመሆኑም፣ የአቅርቦት ሰንሰለት ተፅዕኖ ስጋት አስተዳደር ዕቅድ በማዘጋጀት ከመላው ሠራተኞች ጋር ውይይት አካሂዷል።
የተቋሙን የአቅርቦት ሰንሰለት ለማስቀጠል የተያዙ የአጭርና የረጅም ጊዜ ዕቅዶችን ለአገልግሎቱ ሠራተኞች በዝርዝር ያቀረቡት የምክትል ዋና ዳይሬክተሩ አቶ ሰለሞን ንጉሴ ሲሆኑ፤ በውይይቱም በዘጠኝ የትኩረት አቅጣጫዎች ላይ ያተኮሩ የአቅርቦት ሰንሰለት ስጋት አስተዳደር የማኔጅመንት ውሳኔዎችን አቅርበዋል።
ተግዳሮቶችን መሻገር እንደሚቻል ታሳቢ ተደርጎ፣ በዚህ ወቅት የሚወሰዱ ጥንቃቄዎችና እርምጃዎች እንደ ተቋምም ሆነ እንደ ሀገር ትልቅ ተፅዕኖ ይኖራቸዋል ያሉት ደግሞ የአገልግሎቱ ምክትል ዋና ዳይሬክተር አቶ ታሪኩ በላቸው ናቸው። ምክትል ዋና ዳይሬክተሩ የጤና ሥርዓት አገልግሎቱ እንዳይስተጓጎል ሁሉም በጋራና በርብርብ መስራት እንደሚገባው አሳስበዋል።
በመጨረሻም በተነሱ ሐሳቦች ላይ ሰፊ ውይይት ተካሂዶባቸዋል።
ማገልገል ክብር ነው!
ማኅሌት አበራ