ሠንደቅ ዓላማ የሀገር ክብር፣ የሉዓላዊነትና የጋራ ታሪክ ምልክት በመሆኑ ዜጎች ልዩነቶቻቸውን በማክበር ለጋራ ዓላማ በአንድነት እንዲቆሙ የሚያስታውስ ብሔራዊ መገለጫ መሆኑን አቶ አቅናው ካውዛ ተናግረዋል።
በዓድዋ ድል የተመሰከረው የኢትዮጵያውያን የጋራ ተጋድሎ የሀገር ነፃነትና ክብር በአንድነት በመቆም እንደሚጠበቅ የሚያሳይ ታሪካዊ ትምህርት መሆኑን በመጥቀስ፣ የዚህን ታሪክ ትሩፋት ወደ ሰላም፣ ልማት፣ ተቋማዊ ብቃትና የሕዝብ የኑሮ መሻሻል መቀየር የዘመኑ ትውልድ ኃላፊነት መሆኑንም አጽንኦት ሰጥተዋል።
አገልግሎቱ ይህንን ብሔራዊ ኃላፊነት በተግባር ለመወጣት መድኃኒቶችንና የሕክምና ግብዓቶችን በጥራት፣ በተመጣጣኝ ዋጋና በዘላቂነት ለጤና ተቋማት ማቅረብ ላይ እንደሚሠራ ምላሽ የሰጡት ምላክትል ዋና ዳይሬክተሩ፤ ይህም የሕዝብን ጤና ከመጠበቅ ባለፈ የጤና ሥርዓቱን ለማጠናከርና ለሀገር ዘላቂ ልማት አስተዋጽኦ ለማድረግ ወሳኝ መሆኑን አመልክተዋል።
በመጨረሻም የአገልግሎቱ ሠራተኞች ለተቋሙ ተልዕኮ በቁርጠኝነት እንዲሠሩ፣ የትብብር መንፈሳቸውን እንዲያጠናክሩና ለሕዝብ የሚሰጠውን አገልግሎት በቀጣይነት እንዲያሻሽሉ ጥሪ አቅርበዋል፤ የሠንደቅ ዓላማችን ክብር የሚጠበቀው በጋራ ኃላፊነት፣ መከባበርና ለጋራ ዓላማ በመሥራት መሆኑንም ገልፀዋል።
#ማገልገል ክብር ነው!