Active Tenders
3
ET-MOH-526522-GO-RFB ICB
Closes: 23 Dec 2026
36 days remaining
ET-MOH-537673-GO-RFB ICB
Closes: 10 Dec 2026
23 days remaining
ET-MOH-527291-GO-RFB ICB
Closes: 06 Oct 2026
Closed 42 days ago
View All
የ2030 ራዕይን ለማሳካት የተጀመረው ሪፎርም ተጠናክሮ ሊቀጥል ይገባል
News
August 07, 2026
195 views

የ2030 ራዕይን ለማሳካት የተጀመረው ሪፎርም ተጠናክሮ ሊቀጥል ይገባል

የኢትዮጵያ መድኃኒት አቅራቢ አገልግሎት በ2030 በአፍሪካ ፈጣንና ቀልጣፋ የመድኃኒት አቅርቦት ሰንሰለት ያለው ተቋም ለመሆን የተቀመጠውን ራዕይ ለማሳካት የተጀመሩ የሪፎርም ሥራዎች በበለጠ ጥንካሬና ቁርጠኝነት ሊቀጥሉ እንደሚገባ የአገልግሎቱ ምክትል ዋና ዳይሬክተር አቶ ታሪኩ በላቸው ገለጹ።
አቶ ታሪኩ ይህንን የገለጹት ከሐምሌ 17 እስከ 19 ቀን 2018 ዓ.ም. በአዳማ ከተማ ለሦስት ተከታታይ ቀናት ከአገልግሎቱ የቅርንጫፍ ሥራ አስኪያጆችና ከባለድርሻ አካላት ጋር በተካሄደው የምክክር መድረክ ላይ ነው።

በመድረኩ ላይ ምክትል ዋና ዳይሬክተሩ እንደገለጹት፣ የቀጣይ ሦስት ዓመታት ስትራቴጂካዊ ዕቅድ በአግባቡ ተተንትኖ እስከ ታችኛው የሥራ አስፈጻሚ ድረስ በመውረድ ሁሉም ሠራተኞች የተቋሙን ራዕይ ለማሳካት በትኩረት እንዲሠሩ አሳስበዋል። ከዚህ ጎን ለጎን ከዕቅድ ጋር የተጣጣመ የበጀት አጠቃቀም ሥርዓትን ማጠናከር የስትራቴጂካዊ ዓላማዎችን ለማሳካት ወሳኝ መሆኑን አስረድተዋል።

በተጨማሪም የተሰብሳቢ ሂሳብ አስተዳደር ለተቋሙ ቅድሚያ ከሚሰጣቸው ጉዳዮች አንዱ መሆኑን ጠቅሰው፣ ሁለተኛውን የመድኃኒት አቅርቦት ልማትና ኢንቨስትመንት ዕቅድ (PSDIP II) በተሳካ ሁኔታ ለማስፈጸም ሁሉም የአገልግሎቱ አመራሮችና ሠራተኞች ኃላፊነታቸውን በቁርጠኝነት እንዲወጡ ጥሪ አቅርበዋል።

በበኩላቸው የአገልግሎቱ የቅርንጫፍ ሥራ አስኪያጆች፣ ተቋሙ በ2030 በአፍሪካ ፈጣንና ቀልጣፋ የመድኃኒት አቅርቦት ሰንሰለት ያለው ተቋም የመሆን ራዕዩን ለማሳካት የተዘጋጀውን ስትራቴጂካዊ ዕቅድ በተግባር ለማዋል ያላቸውን ሙሉ ቁርጠኝነት ገልጸዋል።

አስኪያጆቹ አክለውም፣ በየቅርንጫፉ የሚተገበሩ የሪፎርም ሥራዎችን በተጠናከረ መልኩ በመተግበር የመድኃኒት ተደራሽነትን፣ የአገልግሎት ቅልጥፍናን እና ጥራትን በማሻሻል የተቋሙን ራዕይ እውን ለማድረግ ከዋናው መሥሪያ ቤት ጋር በተቀናጀ መንገድ እንደሚሠሩ ገልጸዋል።

#ማገልገል_ክብር_ነው
Share this article:
🤖
EPSS Assistant Online · Ethiopian Pharmaceuticals Supply Service